Reeds & Drone Reeds for asturian bagpipe

¿Cuántu tiempu dura una payuela?

“Porque tengo yo un conocíu… que lleva 6 años cola misma payuela na gaita de [insertar equí nome d'artesanu] y como un cañón chaval, flipes eh? Pero flipes! Como’l primer día!”

Quién dentro del mundillu gaiteril nunca oyó esta frase recurrente sobremanera a ciertes hores de la nueche onde too se magnifica y la xente entama a competir por ver que gaita tien una payuela más vieya y qu’haya resistío más batalles??

 

Por eso güei voi falar d’un tema con un poco de polémica, sería bien fácil pensar que’l mayor interés d’un payueleru como soi yo ye que la xente cambie cada poco de payueles y aunque’l tema económicu siempre ta presente nesto pa bien y pa mal (tirando payueles a medies  o alargando la vida de payueles que tan más qu’acabaes) un puntu importante y que munches veces se dexa de llau ye’l nivel de respuesta d’una payuela nueva y recién empayuelada.

Les payueles como yá tratamos n’algún post esplicativu sobre l’orixe de la caña son la mayor preocupación de los gaiteros porque xunen un material vivu como ye la caña cola técnica d’un instrumentu de vientu como ye la gaita onde l’afinación se consigue pola presión lineal que vien de la combinación fuelle + soplar.

Si nos ponemos a investigar sobre la caña (arundo donax) dámonos cuenta rápido de que ye un material vivu que tien un procesu de crecimientu, dende que la semiente entama a espoxigar na tierra hasta que los recolectores d’ello deciden que ye’l momentu de cortar. Pasa dempués al procesu de secao y selección del mesmu, cosa que tien bastante que ver col resultáu final, yá que por mui bonu que seya’l tarrén onde ta plantáo la caña, ensin un bon procesu de secáu la caña echase a perder. Finalmente llega a manes del payueleru que ye’l que trabaya los tubos pa convertilos nes dos llámines de caña que producen el soníu de la gaita.

Seguíamente, cuando la payuela yá ta terminada, puesta n’una gaita acorde a les esixencies d’afinación y gustu del gaiteru entama inevitablemente’l procesu de deterioru de la caña, insuflamos aire na gaita a través del soplete y esti aire condensase nel interior del fuelle pola diferencia de temperatura ente’l nuesu cuerpu y l’esterior, esta humedá y la vibración de les dos pales de la payuela faen que col tiempu la payuela vaya perdiendo brillu.

Payuela nueva vs. payuela vieya
Payuela nueva vs. payuela vieya

Que quier decir tou esto? Una payuela va sonar igual una semana depués d’empayolar que ye cuando va asentar y quedar perfecta que dos años depués? NON! Pue sonar bien? sí, pero de nenguna manera tará col mesmu potencial de soníu nin la mesma respuesta.

Y la entruga del millón… ¿Cada cuantó habría qu’empayolar entós? Depende, munchos factores como les hores que’l gaiteru-y meta a l’instrumentu, l’ambiente onde ta la gaita (la humedá de la casa onde vivamos influye y muncho), o inclusu el propiu cuerpu de cada unu yá que non toos tenemos la mesma temperatura corporal y hai xente que saliva más o menos a la hora de tocar.

Como recomendación personal, por norma xeneral en torno a ocho meses/un añu sería una duración que yá tuvo bien teniendo un usu normal de en tornu a 15 minutos diarios y una clase o ensayu semanal d’una o dos hores.

Al final, ta nes manes del gaiteru saber cuando la payuela ta “acabada” (por llamalo d’alguna manera) y ye recomendable camudala por una nueva que de al instrumentu la meyor sonoridá posible.

4 Responses

  1. Antonio

    Yo quisiera saber, si tengo una pajuela en uso, sonando bien, ¿las pajuelas nuevas como se almacenan?, ¿requieren de algún cuidau especial?, ¿cuanto duran en esas condiciones?
    Gracias

    4 febrero, 2014 at 4:46

  2. Antonio

    Yo vivo en la ciudad de Mejico,tengo una pajyelamdesde hace 4 años y esta aun sonando em optimas condicioe

    4 febrero, 2014 at 4:49

  3. admin

    Las payuelas nuevas sin usar lo mejor es almacenarlas en una caja pequeña, bien protegidas sin tenerlas al lado de ninguna fuente de calor o de frío. Cuidados especiales nada, como te digo mantenerlas bien, asi sin usar pueden durar siempre, lo que las desgasta del uso es la humedad y la vibración

    Como explico en el post después de 4 años es imposible que suene como el primer día, bien si, por supuesto, pero algo le faltará.

    4 febrero, 2014 at 10:47

  4. Diego Pangua

    Mui interesante, Raúl. El mitu urbanu de la payuela de la eterna juventud…
    Delles veces llegamos a ser bien gochos. Oye, la payuela de la derecha ye un focu d’infecciones, eh?

    14 febrero, 2014 at 9:48

Deja un comentario

Tu dirección de correo electrónico no será publicada. Los campos necesarios están marcados *

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>